Booth Gardner

Booth Gardner
Persona informo
Naskiĝo	21-an de aŭgusto 1936 (1936-08-21) en Tacoma
Morto	15-an de marto 2013 (2013-03-15) (76-jaraĝa) en Tacoma
Mortis pro	Naturaj kialoj vd
Mortis per	Parkinsona malsano vd
Lingvoj	angla vd
Ŝtataneco	Usono vd
Alma mater	Universitato de Vaŝingtonio ekonomika altlernejo Harvard Lakeside School (en) vd
Partio	Demokrata Partio vd
Profesio
Okupo	politikisto vd
Postenoj Postenoj guberniestro de Vaŝingtonio (1985–1993) member of the Washington State Senate (en) vd
vd	Fonto: Vikidatumoj
v • d • r

Booth GARDNER (n. la 21-an de aŭgusto, 1936), heredinto de la riĉaĵo de la familia firmao Weyerhaeuser, estis la 19-a subŝtatestro de Vaŝingtonio, 1985–1993. Li servis ankaŭ kiel usona ambasadoro al GATT. Li estas membro de la Demokrata partio. Antaŭ ol Vaŝingtoniestriĝi, li servis kiel la unua kantonestro de Kantono Pierce.

Lia vicpatro, Norton Clapp, estis estro de la firmao Weyerhaeuser kaj unu el la originalaj proprietantoj de la seatla Spacnadlo. En 1976, Gardner proprietis la futbalan teamon Tacoma Tides, kaj en 1978 li kunposedis la teamon Colorado Caribous; tiuj entreprenoj estis antaŭ ol futbalo populariĝis en Usono.

En 1994, unu jaron post forlasi la subŝtatestradon, Gardner diagnoziĝis je malsano de Parkinson. En 2006 li neatendite anoncis sian apogon de asistata sinmortigado.^[1] En 2008 li inicis kaj gvidis la kampanjon por Initiative 1000, vaŝingtonia leĝpropono pri digna mortado, bazita sur la simila leĝo en Oregono,^[2] kaj li restas aktive engaĝita pri tiu temo.^[3] Gardner diris, ke li aprobas pli da mortrajto ol la nunaj vaŝingtonia kaj oregona leĝoj permesas, por ke fine oni permesu mortigaj preskripciojn por homoj kun neeltenebla suferado, eĉ sen la postulo ke la suferiga sanstato estu mortigonta.^[4]

En 2009, The Last Campaign of Governor Booth Gardner, ("La lasta kampanjo de ŝtatestro Booth Gardner"), mallonga dokumenta filmo, produktita de Just Media kaj HBO, kronikis la kampanjon por Initiative 1000. La filmo nomumiĝis por Oskar-premio por Plej bona mallonga dokumenta filmo.^[5]

1. ↑ Postman, David (February 7, 2006), "Ex-governor backs initiative to legalize assisted suicide", The Seattle Times, archived from the original on 2012-09-15, https://web.archive.org/web/20120915020800/http://community.seattletimes.nwsource.com/archive/?date=20060207&slug=booth07m, retrieved 2012-02-23 
2. ↑ Tu, Janet I. (November 5, 2008), "'Death with dignity' act passes", The Seattle Times, http://seattletimes.nwsource.com/html/nationworld/2008352350_assistedsuicide05m.html 
3. ↑ Tu, Janet I. (February 11, 2009), "Rules governing state's Death With Dignity law debated", The Seattle Times, http://seattletimes.nwsource.com/html/localnews/2008730971_death11m0.html 
4. ↑ Bergner, Daniel (December 2, 2007), "Death in the Family", The New York Times, http://www.nytimes.com/2007/12/02/magazine/02suicide-t.html?pagewanted=1 
5. ↑ . 2009 Oscar Nominees. Oscars (Feb. 2010). Alirita February 21, 2010.